板书小说网 www.banshu.net，最快更新清王朝的覆灭最新章节！
粤讴是广东曲艺说唱之一，与木鱼、龙舟、南音、板眼被称为粤调。 粤讴起源于珠江一带的蛋歌和咸水歌，本来是珠江花舫、妓院妓女唱咏的情歌，后为岸上瞽姬师娘等人的歌唱。
清朝人招子庸在道光元年（1821年）辑《粤讴》一书，粤越同音，所以又叫越讴。《南海县志》招子庸传记曰：“虽巴人下里之曲，亦饶有情韵”，又话词中“粤东方言别字亦得所改正，不若诘屈聱牙。一时平康北里，谱入声歌”。
其实，在此之前，也有文人冯询创作粤讴，但是他并没有把自己作品出版刊印，后来出任官职后更把所有作品销毁，所以没有流传下来。
粤讴由师娘瞽姬（失明歌妓）所唱，出名的有二妹师娘、英华师娘、李银娇师娘等，亦有少数瞽师唱咏时候以琵琶、扬琴伴奏。二妹师娘创“解心腔”，英华师娘以古腔唱粤妪闻名，而李银娇师娘就留有《桃花扇》一曲录音传世。在第二次世界大战后，懂得唱粤妪的师娘相继淡出，粤讴从此失传。
招子庸作品
?《解心事》，招子庸作品，有两：
（一） “心各有事，总要解脱为先。心事唔安，解得就了然。苦海茫茫多数是命蹇，但向苦中寻乐便是神仙。若系愁苦到不堪，真系恶算，总好过官门地狱更重哀怜。退一步海阔天空就唔使自怨，心能自解，真正系乐境无边。若系解到唔解得通就讲过阴隙过便。唉，凡事检点，积善心唔险，你睇远报在来生，近报在目前。”
（二） “心事恶解，都要解到佢分明。解字看得圆通，万事都尽轻。心事千条就有一千样病症。总系心中烦极讲不得过人听。大抵痴字入得症深都系情字染病。唔除痴字就系妙药都唔灵。花柳场中最易迷却本性，温柔乡里总要自出奇兵。悟破色空方正是乐培，长迷花柳就会坠落愁城。唉，须要自醒，世间无定是杨花性，总系边一便风来就向一便有情。”
《拣心》，招子庸作品
“世间难揾一条心，得你一条心事我死亦要追寻。一面试佢真心，一面防到佢噤[2]，试到果实真情正好共佢酌斟。噤噤吓噤到我哋心虚，个个都防到薄幸。就系佢真心来待我，我都要试过两三匀。我想人客万千，真嘅都冇一分，嗰啲真情撒散[3]，重惨过大海捞针。况且你会揾真心人亦都会揾，真心人客，你话够几个人分。细想缘份各自相投，唔到你着紧。安一吓本分，各有来由你都切勿羡人。”
?
?《桃花扇》，招子庸作品
“桃花扇，写断肠词，写到情深扇都会惨凄。命冇薄得过桃花，情冇薄得过纸。纸上桃花，薄更可知。君呀，你既写花容，先要晓得花的意思。青春难得，莫误花时。我想绝世风流都冇乜好持。秋风团扇，怨在深闰。写出万叶千花，都为情一个字。唔系你睇侯公子李香君，唔系情重，点得遇合佳期。”
?《心心点忿》
?《唔系乜靓》
“你唔系乜靓啫，做乜一见我就心伤。想必你未出世就整定**今世惹我断肠。你系前世种落呢根苗，今世正有花粉孽账。故此我拼死去寻花，正碰着你呢朵异香。红粉见尽万千，唔似得你咁样。相逢过一面，番去至少有十日思量。舍得死咯敢话死去会番生，我又同你死账。难为我真正死咯，嗰阵你话冇乜相干，呢会俾个天上跌个落嚟，我亦唔敢去乱想。真真要见谅，莫话粒声唔出就掉转心肠。”
?《乜得咁廋》，招子庸作品
“乜得你咁瘦，实在可人怜。想必你为着多情惹恨牵。见你弱不胜衣，容貌渐变。劝你把风流两个字睇破吓，切勿咁绻缠。相思最会把精神损。你睇痴蝶在花房，梦得咁倒颠。就系恩爱到十分亦唔好咁绻恋。须要打算，莫话只顾风流唔怕命短，问你一身能结得几个人缘。”
?《真正恶做》，招子庸作品
“真正恶做，娇呀你晓得我苦心无。日夜共你痴埋重惨过利刀。近日见你熟客推完，新客又不到。两头唔到岸，好似水共油捞。早知道唔共你住得埋，不若唔相与重好。免使挂肠挂肚，日夕咁心操。劝你的起心肝寻番过好佬，共你还通钱债，免使到处受上期租。河底下虽则系繁华，你见边一个长好到老。究竟清茶淡饭都系拣过上岸至为高。况且近日火烛咁多，寮口又咁恶做，河厅差役终日系咁嗌嘈嘈。唔信你睇各间寮口部，总系见赊唔见结，白白把手皮捞。就俾你有几个女都养齐，好似话钱债易做，恐怕一时唔就手就堕落酆都。虽则鸨母近日亦算有几家系时运好，赎身成几十个女，重有几十个未开铺。想到结局收场未必真系可保。况且百中无一个的境遇实在难遭。你最好拨埋心水揾着地步，唔怕冇路，回头须及早，好过露面抛头在水上蒲。”
?《生得咁俏》，招子庸作品
“我生得咁俏，怕冇鲜鱼来上我钓。今朝挈在手，重系咁尾摇摇。呢回钓竿收起都唔要，纵不是鱼水和谐都系命里所招。我想大海茫茫鱼亦不少，（你班衰佬）休要乱跳，铁网都来了，总系一时唔上我钓啫，我就任你海上逍遥。”
?《结丝萝》
“清水灯心煲白果，果然清白怕乜你心多。白纸共薄荷包俾过我，薄情如纸你话奈乜谁何。圆眼沙梨包几个，眼底共你离开暂且放疏。丝线共花针，你话点穿得眼过。真正系错，总要同针合线正结得丝萝。”
?《难忍泪》，招子庸作品
“难忍泪，洒湿莲枝。记得与君联句在曲栏时。你睇粉墙尚有郎君字，就系共你倚栏相和那藕花诗。今日花又复开，做乜人隔两地。未晓你路途安否，总冇信归期。莲笔叫我点书呢段长恨句。愁怀写不尽好似未断荷丝。今日遗恨在呢处曲栏提起往事。唉，想起就气。睇住残荷凋谢咯，我就想到世事难为。”
?《点算好》
（一） “点算好？共你相交又怕唔得到老，真情虽有，可惜实事全无。今世共你结下几段姻缘待等来世正做，你为和尚我做斋姑。唔信你睇红楼梦上有段鸳鸯谱，嗰个宝玉共佢无缘，所以黛玉得咁孤。佢临死哭叫四个字，一声唉，宝玉你好。真正无路可诉，离恨天难补。罢咯不若共你淡交如水，免至话我系薄情奴。”
（二） “点算好，君呀你家贫亲又老，八千条路咁就冇一点功劳。亏我流落呢处天涯，家信又不到。君归南岭，我苦住京都。长剑虽则有灵，今日未吐。新篁落箨，或者有日插天高。孙山名落朱颜槁。绿柳撩人重惨过利刀。金尽床头清酒懒做。无物可报，珠泪穿成素。君呀，你去归条路，替我带得到家无。”
已故香港典故专栏作家鲁金说过，粤讴是不限字数的民歌，好像同是一《解心事》，第一只有一百二十字，第二就有一百三十七字；所以粤讴歌者，往往透过掌握上下句的句法，就能别出心裁，唱得婉转而动听。
有关粤讴的研究包括：冼玉清的《招子庸研究》同《粤讴与晚清政治》、许复琴《招子庸与珠江粤讴》、薛汕《粤讴》，载其所著《书曲散论》、蔡衍棻《粤讴》、区文风《木鱼、龙舟、粤讴、南音等广东民歌被吸收入粤剧音乐的历史研究》、陈志清《南音粤讴的词律曲韵》、陈潞《讴圣与香港的关系》、〔日本〕波多野?太郎《木鱼?龙舟?南音?粤讴》、梁焙炽《南音与粤讴之研究》、招勉之《关于粤讴及其作者的尾巴》......。
? 《除却了阿九》，叶茗生作品
“除却了阿九，重有边一个及得佢咁**。任得你靓到鬼火咁凄凉，都要让佢几分。呢佢两颊桃花，不用搽脂荡粉。石榴裙下，布满不二之臣。讲到佢抱起琵琶，就越唔洗问。唱到关王庙相会，佢重句句咁倾心。**一曲，的是非凡品。莺喉婉转，真系荡人魂。知否月不常圆花易落。红灯夜夜，应该要早觅知心。妹呀，快活风流非长幸。你遇到个真情者，你就要格外留神。净系替个养母财，非你本份。我劝你求签拜佛，应该问番纸自身，因为年纪系会渐高，容貌会渐退，从前恩客会变作陌路之人。妹呢，你性本系咁聪明，你平日系咁谨慎，又知否黄金难买过去左既光阴，所谓树高千丈又何须问，人无归结，好极都系闲闻。面对个世界，你慢慢想真，喉就会噎哽。酒壶拈起，眼泪粘喉吞。总之唔得到上街呢，千日都系无倚凭。试问从良个两个字呀，妹呀，你想透唔曾。你知否多少痴男，为你贱视封侯印，知否情到深时会恨更深，总之花债未完都非福份，休再混，望你脱离苦海，好过我步上青云。”
? 《别意》，收于招子庸《粤讴》
“想必缘分已尽，花债都还齐。债还缘尽，故此惹出别惨离凄。唉，我两个系咁情痴，点估话情不到底，想起从前个种风月哩，好似梦断魂迷。记得起共你相交，你妹年纪尚细，个阵倾谈心事，怕听海上鸣鸡。只望相与日子咁长，你亦会同妹设计。点想你夫妻情重，不肯带贱妾回归，累得我断梗又好似飘蓬，无所倚系。想到话飘流无定咯，只着要揾的挨依。今日人地话我薄情，唔系都似系。再不估同群咁多姊妹，无个知我心上咁难为。我近日面上桃花，只系凭眼泪洗。唉，君呀，你唔好为我屃屃，知道拗硬个副心肠唔多愿，所以你自从听见话我要去咯，此后你总不开嚟。”